பிரபல ரெப் இசைப் பாடகருக்கு மரண தண்டனை!
நாடுதழுவிய ஆர்ப்பாட்டங்களுக்கு ஆதரவளித்தமைக்காக ஈரான் நாட்டைச் சேர்ந்த பிரபல ரெப் இசைப் பாடகர் டுமேஜ் சலேஹிக்கு மரண தண்டனை விதிக்கப்பட்டுள்ளது.
ஈரானில் மஹ்சா அமினியின் மரணம் பேசுபொருளாக மாறிய நிலையில், ஈரான் முழுவதும் ஆர்ப்பாட்டங்கள் முன்னெடுக்கப்பட்டன.
மஹ்சா அமினியின் மரணத்தால் தூண்டப்பட்ட ஈரான் தழுவிய ஆர்ப்பாட்டங்களுக்கு ஆதரவளித்தமைக்காகவே, பிரபல ரெப் இசைப் பாடகர் டுமேஜ் சலேஹிக்கு ஈரானிய நீதிமன்றத்தினால் மரண தண்டனை விதிக்கப்பட்டுள்ளது.
முன்னதாக கடந்த 2022ஆம் ஆண்டு டுமேஜ் சலேஹி கைது செய்யப்பட்டு ஒன்றரை வருடங்களாக சிறையில் அடைக்கப்பட்டிருந்தமை குறிப்பிடத்தக்கது.
ஈரானிய செய்தி நிறுவனமான ஷார்க் டெய்லிக்கு அளித்த பேட்டியில், சலேஹியின் வழக்கறிஞர் அமீர் ரேசியன், முதன்மை நீதிமன்றம் டூமாஜ் சலேஹிக்கு மிகக் கடுமையான தண்டனை, மரண தண்டனை விதித்தது.
இஸ்ஃபஹானின் இஸ்லாமியக் குடியரசு புரட்சி நீதிமன்றத்தின் தண்டனை, சலேஹியின் வழக்கு பொதுமன்னிப்புக்கு தகுதியானது என்று கூறிய ஈரானிய உச்ச நீதிமன்றத் தீர்ப்புக்கு முரணானது என்று ரேசியன் கூறினார். இந்த தண்டனையை நிச்சயம் மேல்முறையீடு செய்வோம் என்றும் அவர் கூறினார்.
ஈரானியப் படைகளால் பலமுறை கைது செய்யப்பட்ட சலேஹி, ஆட்சியின் ஊழலையும், எதிர்ப்பை அடக்குவதையும் தனது இசையில் அடிக்கடி கூறி, அந்த குற்றங்களை "ஒயிட்வாஷ்" செய்த ஆட்சியின் வக்காலத்து வாங்குபவர்களை அவமானப்படுத்தினார்.
கடந்த சில ஆண்டுகளாக ஈரானிய ஆட்சியால் கைது செய்யப்பட்ட மிக முக்கியமான கலைஞர்களில் இவரும் ஒருவர் என்பதும் குறிப்பிடத்தக்கது.
Leave A Comment