அதிரடியாக குறைந்த தங்கத்தின் விலை: நகைப்பிரியர்கள் மகிழ்ச்சி
தொடர்ந்து தளம்பல் நிலையில் இருந்துவரும் தங்கத்தின் சென்னையில் ஆபரணத் தங்கத்தின் விலை ஒரே நாளில் பவுனுக்கு ரூ.800 குறைந்து பவுன் ரூ. 52,920-க்கு விற்பனையாகிறது.
அமெரிக்காவில் வட்டி வீத மாற்றம் குறித்த தகவல்கள், டாலரின் மதிப்புயா்வு உள்ளிட்டவைகளால் புதன்கிழமை இந்திய சந்தையில் தங்கம் விலை இறங்கியது. அதன்படி சென்னையில் புதன்கிழமை தங்கம் பவுனுக்கு ரூ.920 குறைந்த நிலையில், வியாழக்கிழமை விலை மீண்டும் உயா்ந்தது. அதன்படி, ஆபரணத் தங்கத்தின் விலை கிராமுக்கு ரூ.80 உயா்ந்து ரூ.6,715-க்கும், பவுனுக்கு ரூ.640 உயா்ந்து ரூ.53,720-க்கும் விற்பனையானது. அதேபோன்று வெள்ளி விலையும் உயா்ந்தது.
இந்த நிலையில், சென்னையில் ஆபரணத் தங்கத்தின் விலை ஒரே நாளில் பவுனுக்கு ரூ.800 குறைந்துள்ளது. அதன்படி, வெள்ளிக்கிழமை ஆபரணத் தங்கத்தின் விலை கிராமுக்கு ரூ.100 குறைந்து ரூ.6,615-க்கும், பவுனுக்கு ரூ.800 குறைந்து ரூ.52,920-க்கும் விற்பனையாகிறது.
வெள்ளி விலை கிராம் ரூ. 87-க்கும், ஒரு கிலோ ரூ.87,000-க்கும் விற்பனையாகிறது.
Leave A Comment