மறந்தும் உங்கள் படுக்கையறையில் இந்த பொருட்களை வைத்திருக்காதீர்கள்..!
நம்மை சுற்றி உள்ளவை எல்லாம் எமக்கு நன்மைசெய்யும் என்று சொல்ல முடியாது சில பொருட்கள் எதோ ஒருவகையில் எமக்கு தீங்கிழைப்பவையாக இருக்கலாம், முக்கியமாக நீங்கள் படுத்துறங்கும் படுக்கையறையில் இருக்கவே இருக்கக்கூடாத பொருட்கள் எவை? ஏன்? அன்று இங்கு பார்க்கலாம்.
நம்மில் பலர் பால், காஃபி, டீ குடித்துவிட்டு அந்த கப்பை கழுவாமல் அப்படியே நமது படுக்கைக்கு அருகில் வைத்திருப்போம். அப்படி செய்வது வாஸ்துப்படி தவறான விஷயமாக கருதப்படுகிறது. ஏனென்றால், அது வறுமைக்கு வழிவகுக்குமாம். நாம் தூங்கும் போது தீய கனவுகளுக்கு அவை வழிவகுக்கும் மற்றும் பொதுவாக வீட்டில் எதிர்மறை ஆற்றலை ஏற்படுத்தும்.
எங்கும் இல்லாத அளவுக்கு படுக்கை அறையில் தான் டிவி, மொபைல் போன், லேப்டாப், வாட்ச் மற்றும் ஸ்பீக்கர் என பல எலெக்ட்ரானிக் கேட்ஜெட்களை குவித்து வைத்திருப்போம். ஆனால், வாஸ்துப்படி மட்டும் அல்ல, அறிவியல் நீதியாகவும் அது நல்லதாக கருதப்படுவதில்லை. இது உங்கள் தூக்கத்தை பாதிப்பதுடன், பண இழப்புக்கு வழிவகுக்கும். இதனால், வாழ்க்கையில் மோசமான விளைவை சந்திக்க நேரிடும் என்கிறது ஜோதிடம்.

செல்லப்பிராணிகளை நாம் படுக்கை அறைக்குள் விடுவது, நமக்கு நோய் தொற்றுக்களை உண்டாக்குவதுடன் எதிர்மறையான எண்ணங்களையும் ஏற்படுத்தும்.
வாஸ்து சாஸ்திரத்தின் படி, செய்தித்தாள்கள் மற்றும் புத்தகங்கள் தொடர்பான எதையும் தலையணைக்கு கீழ் வைக்க வேண்டாம். இவற்றை தலைக்குக் கீழே வைப்பதால், வாழ்க்கையில் எதிர்மறை ஆற்றல் அதிகரிக்கும். இதனால், வாழ்க்கையில் முன்னேற முடியாது. எனவே, படிக்கும் எந்த பொருட்களையும் உங்கள் படுக்கையில் வைக்க வேண்டாம்.
நம்மில் பலருக்கும் அணிந்திருக்கும் மோதிரம், தோடு, வளையல் அல்லது சங்கிலிகளை இரவில் தூங்குவதற்கு முன் தலையணைக்கு கீழ் வைக்கும் பழக்கம் இருக்கும். அப்படி வைப்பது வாஸ்துப்படி நல்லது அல்ல.ஏனென்றால், உறங்கும் போது தலைக்கு அடியில் எதையும் வைக்கக்கூடாது என்று வாஸ்து சாஸ்திரம் கூறுகிறது. ஏனெனில், அவை நமக்கு எதிர்மறையான எண்ணங்களை அதிகரிக்குமாம். இது உங்களுக்கு அதிக கோபத்தை ஏற்படுத்துவதுடன், உறவுகள் மீதான வெறுப்பை ஏற்படுத்தும் என கூறப்படுகிறது.

தலைக்கு அருகில் அல்லது படுக்கைக்கு முன் கண்ணாடி இருப்பதை தவிர்ப்பது நல்லது. ஏனென்றால், இது திருமண வாழ்க்கையில் சிக்கலை ஏற்படுத்தும். அதே போல, நீங்கள் படுக்கையில் தூங்கும் போது உங்களின் பிம்பம் கண்ணாடியில் தெரியாதபடி பார்த்துக்கொள்வது நல்லது. இது இரவில் பயங்கரமான கனவுகளுக்கு வழிவகுக்கும்.
Leave A Comment