• Login / Register
  • சினிமா

    நடிகர் விஷால் சிபிஐ அலுவலகத்தில் ஆஜர்!

    நடிகர் விஷால் மும்பை சிபிஐ அலுவலகத்தில் இன்று ஆஜராகியுள்ளார்.

    மார்க் ஆண்டனி படத்திற்காக சென்சார் அதிகாரிகள் லஞ்சம் பெற்ற வழக்கில் விஷால் மும்பை சிபிஐ அலுவலகத்தில் ஆஜராகியுள்ளார்.

    விஷால் நடிப்பில் செப்.15ஆம் தேதி வெளியான படம் மார்க் ஆண்டனி. ரூ.100 கோடிக்கும் அதிகமாக வசூலித்த இப்படம்,  ஹிந்தி மொழியில் டப் செய்யப்பட்டு வெளியிடப்பட்டது.  

    இதனிடையே, மகாராஷ்டிரத்தில் இப்படத்தின் டப்பிங் மற்றும் திரையிடலுக்காக அதிகாரிகள் தன்னிடம் ரூ.6.5 லட்சம் லஞ்சம் கேட்டதாகவும், படம் வெளியாக வேண்டும் என்பதால் இரண்டு பரிவர்த்தனைகளாகக் கேட்ட தொகையைக் கொடுத்ததாகவும் விஷால் தெரிவித்திருந்தார். 

    இந்த நிலையில்  லஞ்சம் பெற்ற திரைப்பட தணிக்கைத் துறை அதிகாரிகள் மீது சிபிஐ வழக்குப்பதிவும் செய்தது.

    இந்த நிலையில், நடிகர் விஷால் மற்றும் அவரின் மேலாளர் ஹரி கிருஷ்ணன் ஆகியோர் சிபிஐ விசாரணைக்காக  மும்பை சிபிஐ அலுவலகத்தில் இன்று ஆஜராகினர். 

    Leave A Comment